ወኪል ኤርትራ፣ ኣብ ምምራቕ ሓወልቲ ንጉስ ሃይላሴ ተሳቲፉ!!

0
205


Araia Desta, the inapt barking Dog of Issayas Afeworki at the AU, has shamed Eritrea and its People by attending the unveiling ceremony of the statue of former Ethiopian tyrant Emperor Haile Selassie in front of the African Union (AU) in Addis Ababa (Mdrebahri.com).

ብኣምባሳደር ኣርኣያ ደስታ ዝምራሕ ቀዋሚ ወኪል መንግስቲ ኤርትራ ኣብ ሕብረት ኣፍሪቃ፣ ኣብ ምምራቕ ናይቲ ብሰንበት 10 ለካቲት ኣብ ኣዲስ ኣበባ ዝቖመ ሓወልቲ ንጉስ ሃይለስላሴ ተሳቲፉ።

ሓወልቲ ናይቲ ህብዝን ዓድታትን ኤርትራ ዘጽነተ፣ መላኺ ንጉስ ሃይለስላሴ ኣብ ቀጽሪ ሕብረት ኣፍሪቃ ብወግዒ ኣብ ዝቖመሉ፣ ንኤርትራ ብምውካል፣ ኣምባሳደር ኣርኣያ ደስታ፣ ሃብቶም ዘርኣይ ከምኡ ድማ ቢንያም በርሀ ዝተባህሉ ቀዳሞት ጸሓፍትን ከምዝተሳተፉ ዲፕሎማስያውን ምንጭታት ኣረጋጊጾም።

ንምቛም ሓወልቲ ናይቲ ንፈረደርሽን ብምፍራስ ንኤርትራ ብሓይሊ ዝጎበጠን፣ ንዝተላዕለ ተቓውሞ ንምጉዕጻጽ ድማ ዓድታትን ህዝብን ዘጽነተ ንጉስ ሃይለስላሴ፣ ብወግዒ ክቃወም ዝግብኦ መንግስቲ ኤርትራ፣ ኣብ ጽምብል ምምራቕ፣ ወከልቱ ምስታፉም፣ ንባህሪ ናይቲ ብፕረዚደንት ኢሳይያስ ዝመራሕ ዘሎ መንግስቲ ዘጉልሕ’ዩ ክብሉ እቶም ዲፕሎማሰኛታት ኣመልኪቶም።

ፕረዚደንት ኢሳይያስ፣ ክሳብ መወዳእታ ኣብ ስልጣን ዘጽንሖ ስልትን ስትራቴጂን ደኣ’ምበር፣ መሰረታዊ ክብርታትን ህዝቢ ኤርትራን ዕላማ ዘካየዶ ቃልሲን ዝግድሶ ከምዘይኮነ ብዝያዳ ዘነጽረልና ኣጋጣሚ’ዩ ክብሉ’ውን ደምዲሞም።

Source: Radio Erena: 13 February 2019



NO COMMENTS

LEAVE A REPLY